الفــقـــس اول طــريــــقي للانـــــحراف ~ًٌٍٍَُِِ

.......سلام للقدعات والقدعان......

في بدايه هالحديث الشيق ابغى اقولكم كيفكم؟؟ >>>واحد تكفون يصكها ببقس

اليوم بقولكم قصه مقطعتن قلبي وهي بطوله واخراج وتمثيل انا>>>سيلاني

وهي انه في يوم من الايام الخوالي كنتو >>>ركزو على الواو

منبطحتن بمقلط بيتنا اشاهد الرادو>>فاهمه غلط

وحاطه على الاف ام يوم مادريت الا يوم جا راشد الفارس
وقام يغني بصوته الخلاب...

وقال احلى من القمر هي>>اقول اخلصي لا تجلدين

يوم استغفر الله قمت اردح كني عحوز الليله عرس بنتها>>طبعا هالكلام قبل رمضان

دخلت علي امي وانا ادق رقبه ومشمره القميص

قالت سكني يدخل فيتس ولا عاد يظهر>>بيعفن

اركدي ازعجتي جيرانا يافقش امي اصلا بيتنا في براحه مالنا جيران

قلت يمه شفتي هالاغنيه ترا مغنينها فيني>>افقع

قلت اقول على تبن وترا الطمام يحتريتس

وابقق عنوني قلت وليش انا اللي دايم اخلط وبنيتس هاللي متبطحاتن فوق وراهم مايشتغلن:

ولا انا الجدار الطمين

قالت اعقبي وقدامي لا اهديت ضروتس
وطبعا امي وحنا نمشي ماخلت دعوه في العالم العربي والغربي ماقالتها

مره عن السكن (الجن) ومره عن العرس>>عوانس بناتها

ويوم دخلت المطبخ يوم شفت شوفه يالهههههههههههههههوووووووووووووووووويييييييي:>>ام سعدي

لين امي مطلعتن تنكه طماط !!!!!!!!!!!!!!!!!!!!!!!!::>>ويييييييييييييييييين تنكه وطماط

قلت يمه وراتس مطلعه كل هالطماط؟؟

مادريت الا صينيتن تمشي 220 صاكتني على جبهتي المصون


قالت ماتدرين انه اختس الحصي الليله ملكتها وبيجون رجاجيل

قلت طيب وش دخل الطماط قالت بنسوي عصير طماط !!:>>من متابعين المملكه هاذا الصباح

قلت يمه ترا العلاقه اللي بيني وبينك ماتخليك تنطلين الميانه ونفقشين علي>>مطيحه الكلافه
قالت وانا صادزه الطماط زين للدم واختك عندها فقر دم خلها اذا حست بدوخه لين الطماط عندها>>افكار الوالده
قلت مالي الا انطم جعلهم يحطون عصير بصل

قلت اقول يمه ...... قالت وجع روعتيني جعلتتس بالتفاحه اللي تصك خشمتس
>>>اصول التربيه الحديثه
قلت الحين الحصي بتعرس وباقي قبيله بناتتس وينهن

قالت يزينن الحصي (فيس بدريه احمد)
قلت ياسلام هم يزينن وانا اعصر طماط

قالت انتي اجوديه ولا هن تسلبات انتي الزينه وهم الشينات>> بدا الخرطي

قالت اقول ترا عطيتكم وجه انا منيب مزينه شيء ولا عاد تحاتسيني انتي وبناتس>>وصلت خنافره نواكشوط

وانا طايره للصاله من الزعل >>>هالمشهد تسنه في عندما تغني الزهور

واطرح جسدي >>بدت ام بي سي 2

على مخده الشغاله>>لازم تبطح بالصاله

ومن قو ريحه الفقس حسيت اني كارول سماحه يومنها طايره بالسما>>اقعد ياولد

ومادريت الا يوم رن جرس الهاتف واجي طايره وانا المح زول شغالتنا جايه من بعيد تبي ترد>>شغالتهم وجه بن فهره

وارد قلت الو الو وانا منسد خشمي>>فيها افلونزا الطيور

الو يالتسلب انا عارفه انك سعود ابو خشه>>ولد خالها بأول متوسط دايم مسوي مملوح

مادريت الا يوم رد علي صوت غريب قال لا والله انا نواف ابو قذله

قلت من انت ولده >>>برائه >>أي بالحيل

قال ولد ابوي

قلت قل ق>>بدت اللكاعه

قلت شفت ترا حنا ماعندنا سلفات وانت خابرن
الاسهم دمرانه والرز غالي والفيمتتو حيخلصووه>>>والله مابقا الا تتكي معه
قال انتي اكيد حبيبتي اللي انتظرها من زمان >>ماخذ راحته
قلت اقول (طووووووووووووووووووووووووووط)>>يعني مشفر

يالله قليل الدسم يااللي ماتستحي على خشتك ياولد العبده يالتكروني

مالت والله ان دقيت ان اصك راسك ببريق شاهي تلقيمه>>>اقول اندزلعي

قال ليش القسوه بس عشاني يومني حبيتك وليش هو الحب عيب ولا حرام
قلت لا من قله الادب....>>صريحه

وصكيت السماعه>>لا عاد
وقمت افكر هو صادز وليد ابو قذله>>حفظت اللقب وخلت الاسم

وقمت افكر وافكر مادريت الا شغالتنا تقول قومي ياهماره >>تموووون

في واحد يبقى انتي

قلت منهو(فيس ماله خلق)

قالت ابو كذله>>يالهووووووي>>اقول صه

قلت هاه قلت خلاص خلاص بيفظحني وبينشر صورتي بصحارا بلازا>>>شبكت الخطوط

قالت الشغاله انتي بتروهين ولالا

قلت خلاص خلاص بروح

وانا امشي مطئطئه رأسي وقلبي من قو الخوف طلع طار دوسري

يوم طلعت والقا واحد وش زينه وش جمال وش وش..>>ماعاد تحيط

قال اسمعي انا اسف على اني جيتك هنا بس من يوم سمعت صوتك وانا ضايعتن علومي >>ماامداه ابو فقشه

قلت خلاص ادور علومك لك بس هو أي صف>>>رايحه بعيد

قال تكفين حسي فيني وبمشاعري


بديت اعيش جو وانا ورا الباب >>طيب وش لون شفتيه يالسبهه>>شفته بفتحه الباب

قال الوكاد انتس جميله يامره>>وش جاب نمر بن عدوان

وانا ورا الباب اتلوى من الحيا

وافكر بالمستقبل اني اصبحت من المنحرفات(فيس فيه العبره)


مادريت الا الرجفه اللي بطني

يوم قمت لين كل اللي صار حلم وكل هالحلم الجميل من فقس شغالتنا>>بيسطرونها

عارفه ان ودكم تميسروني بالعقال بس هاذا اللي صار

ونصيحه يابنات لا عاد تنامون الا الفقس جنبكم عشان اللي منتب شايفينه بالدنيا تشوفونه بالاحلام

واشوفكم بيوم اخر بفقشات جديده وقصص مثير والله يبعدنا ويبعدكم عن الانحراف>>اقول لا عاد اشوفتس كاتبتن هنا يالتسلبه

وان شاء الله تستمتعون بالحتوته